qalb-e-nalan teri aahon mein asar hai ki nahin zulmat-e-shab tere pahlu mein sahar hai ki nahin shiddat-e-zabt mein guzri hai tere hijr ki sham ab tere sath mujhe izn-e-safar hai ki nahin hai dhanak-rang mere jazba-e-dil ki taswir tujh mein ehsas koi misl-e-guhar hai ki nahin puchh lena kabhi un se ai ghariban-e-chaman ki mere haal-e-pareshan ki khabar hai ki nahin kab talak bich mein honge ye pas-o-pesh bata justuju meri tere pesh-e-nazar hai ki nahin tere dil ko hai abhi uzr-e-mohabbat se gurez fikr mein teri kahin mera guzar hai ki nahin dil ko hasrat teri taid-e-nazar ki hai faqat tere andar kahin tufan-e-sharar hai ki nahin