rakhna ho to dil ko nigah-e-yar mein rakhna
is jins-e-girami ko na bazar mein rakhna

hum ahl-e-tamanna ki bas itni hai karamat
ek khwab sada dida-e-bedar mein rakhna

anjam-e-tarab bhi to tassuf hai so is bar
khushiyon ko bhi takhmina-e-azar mein rakhna

ab ghar jo banana koi khwabon ki zamin par
imkan-e-taghayyur dar-o-diwar mein rakhna

nahaq kisi mazlum par utthe to lachak jae
ye jauhar-e-nayab bhi talwar mein rakhna

ye kiya ki har ek dil mein jagana talab-e-husn
aur khud ko nihan parda-e-asrar mein rakhna