ranj nahin koi bhi agar main tuta hun
biwi bachche bhai bahan mein bikhra hun

andar andar tut raha tha roz wo shakhs
koi puchhe to kahta tha achchha hun

rindon se bhi rasm-o-rah rahi apni
ahl-e-wara ki sohbat mein bhi rahta hun

sach-much bebas hain ya behis hain hum sab
tum bhi socho main bhi socha karta hun

'shaarid' aisi baat hai aakhir kya mujh mein
aaj bhi un aankhon ka mehwar hota hai