raste khauf-zada karte rahe
ham-safar mein the dua karte rahe

muskurane ki saza milti rahi
muskurane ki khata karte rahe

umr bhar qarz ada ho na saka
umr bhar qarz ada karte rahe

khwab aankhon se juda ho na sake
khwab aankhon se juda karte rahe

aap ne jo bhi kaha hum ne suna
aap ne jo bhi kaha karte rahe

waqt bhi hum se gila karta raha
waqt se hum bhi gila karte rahe

aur wo pas-e-wafa kar na sake
aur hum pas-e-wafa karte rahe