rishta-e-husn-o-mohabbat hai nihayat nazuk
qasr-e-mashuq ki hoti hai iqamat nazuk

parda-e-mahmil-e-laila se hai majnun ko taras
rang chehre ka uda ho gai haalat nazuk

dast-e-nazuk se gira panja-e-marjaan nagah
dar-e-manshur liye aai hai saat nazuk

marhala jashn-e-urusi ka bahar-taur raha
ban gai aur sabiha ki sabahat nazuk

zeb deti nahin 'nasrin' ko ye duniya-dari
kis tarah ohda-bara howe zehanat nazuk