rote dekha unhen aakhiri mein
'umr-bhar jo rahe gumrahi mein

ab dawa do ke zahr-e-halahil
hum to khush hain tumhaari khushi mein

khubiyan to bahut si hain lekin
bas murawwat nahin aadmi mein

zehn-o-dil jis se ho jae raushan
aisa mazmun ho sha'iri mein

kuchh na kuchh to ghalat-fahmiyan hain
farq kyon aa gaya dosti mein

koi puchhe zara 'ashiqon se
lutf milta hai kya 'ashiqi mein

juz mohabbat ke 'faruq-adil’
kuchh bhi rakkha nahin zindagi mein