sab dawaen to huin ab ye du'a ho jae dard hisse ka mere had se siwa ho jae mere ashkon ko wo tasir 'ata kar maula main jo roun to marizon ko shifa ho jae gulshan-e-ranj-o-alam mein mere aae na khizan zakhm ek sukhe to ek zakhm hara ho jae raaz samjhe jo khudi ka wo khuda ko samjhe jo khudi hi ko mita de wo khuda ho jae ai 'sada' sath sada sach ka tu dete rahna jis ko hona hai khafa tujh se khafa ho jae