sab madari hain tamasha bhi hai koi koi ab unhen dekhne wala bhi hai koi koi meri khamoshi ko tanhai samajhne walo mahfil-e-dil mein to aata bhi hai koi koi surkh mitti mein gire aansu bane hain moti khak se dhundh ke lata bhi hai koi koi hanste hanste hue aansu bhi nikal aate hain rote rote hue hansta bhi hai koi koi chhod jata hai to jae ye hujum-e-duniya majma-e-ghair se aaya bhi hai koi koi 'mir' to mir hai sahab to nahin hai sahab 'mir' ke daur mein sauda bhi hai koi koi teri duniya mein mera zikr rahega 'manzar' surat-e-sher mein dekha bhi hai koi koi