sab rang wahi dhang wahi naz wahi the
is bar to mausam ke sab andaz wahi the

bas ijz ki khushbu ki jagah kibr ki bu thi
lahje mein zara farq tha alfaz wahi the

kya jaaniye kyun ab ke mere dil mein na utre
sur le wahi aawaz wahi saz wahi the

jo nang-e-khalaiq the jo dushman the watan ke
sinon pe sajae hue eazaz wahi the

jibril se aage gae jo nur-sarapa
shahbaz wahi hasil-e-parwaz wahi the