saf aaina hai kyun mujhe dhundla dikhai de gar aks hai ye mera to mujh sa dikhai de mujh ko to mar dalega mera akela-pan is bhid mein koi to shanasa dikhai de barbaad mujh ko dekhna chahe har ek aankh mil kar rahunga khak mein aisa dikhai de ye aasman pe dhund si chhai hui hai kya gar abr hai to hum ko barasta dikhai de ye mujh ko kis maqam pe le aai zindagi ya rab koi farar ka rasta dikhai de 'faruq' dil ka haal main ja kar kise kahun har chehra mujh ko apna hi chehra dikhai de