sahra-e-karbala-e-rah-e-ashiqan ke beach
khushbu si phutti hai yahan ham-rahan ke beach

ranj-e-shikam ta-tishna-labi sabr ha-o-hu
ye guftugu nahin hai suhulat-garan ke beach

ab bhi charagh puri tamazat se hai faroz
khema-e-khanwada-e-shahzadgan ke beach

tegha-e-dushmanan se qalam ho rahe hain sar
lekin hain sarfaraaz saf-e-dushmanan ke beach

sina-e-bu-turab ki chaukhat hai karbala
yani husain dam hai gham-e-khandan ke beach