saqi zuhur-e-subh o tarashshah hai nur ka
de mai yahi to waqt hai nur o zuhur ka

kuche mein us ke jis ko jagah mil gai wo phir
mail hua na sehn-e-chaman ke surur ka

ye gul jo hum ne hath pe khae hain ru-ba-ru
hum ko yahi mila hai tabarruk huzur ka

simab jis ko kahte hain simab ye nahin
dil aab ho gaya hai kasi na-subur ka

mai pi ke aashiqi ke kharabaat mein 'nazir'
ne dar hai mohtasib ka na sadrussudur ka