sara-e-dahr ka jalta makan chhod gaya
magar wo shakhs ki apna nishan chhod gaya

sukun ke wo sabhi pal to le gaya hai magar
mere wajud mein apni thakan chhod gaya

bhanwar ke beach mere nakhuda ko kya sujhi
ki naw chhod gaya baadban chhod gaya

qafas mein tha to parinda chahakta rahta tha
magar falak pe wo apni udan chhod gaya

kisi bhi shakhs ke jaane ka kya gila karta
bala ki dhup mein jab saeban chhod gaya