sath dariya ke hum bhi jaen kya
zor-lahron ka aazmaen kya

ped sare ujad chuke kab ke
shor karti hain phir hawaen kya

kab wo guzregi is kharabe se
fasl-e-gul se ye puchh aaen kiya

phul baghon mein jab nahin khilte
phul gamlon mein hum khilaen kya

raat jangal ki shahar mein aai
ghar charaghon se jagmagain kya

jo khuda hai kabhi to soche wo
ek duniya nai banain kya

khauf kaisa hai sham se 'fikri'
aaj utrengi phir bulaen kya