shishe ki diwar thi hail qurb ki aisi surat thi kuchh apni bhi majburi thi kuchh us ki bhi zarurat thi sathi aur kisi ka mera ham-zauq-o-ham-rang-esukhan us ki tanhai ko shayad kuchh meri bhi zarurat thi pahli nazar ne kitni hairat se us shakl ko dekha tha meri soch ki taswiron se milti-julti murat thi zard hawa ka andha jhonka naqsh mita kar guzar gaya ret pe ab bikhre harfon ki ek be-chehra surat thi jis ki baaten shahd se mithi jis ke hath mein surkh gulab us ki soch mein zahr bhara tha us ke dil mein kudurat thi ye kis ke eazaz mein 'akram' maqtal mein hai jashn bapa aaj salibon ki is nagri mein ye kis ki surat thi