sofar-e-tasawwur hai sitaron ka hadaf hai hai fateh aflak ye insan ka sharaf hai ek lamha-e-takhliq ki aahat hai kahin par moti koi niklega abhi band sadaf hai tu bhi to hata jism ke suraj se andhere ye mahki hui raat bhi mahtab-ba-kaf hai jis lafz pe sar apne katae shohda ne tarikh-e-siyasat se wahi lafz hazf hai har samt farishte hain ki tarshe hue patthar is bhid mein insan ke liye bhi koi saf hai