sun meri dastan hairat mein
hai zamin aasman hairat mein

ek tahayyur hai chaar su mere
rok di hai udan hairat mein

aag hai phailti hi jati hai
hain makin aur makan hairat mein

ain manzil pe la ke chhod diya
ab talak hun main jaan hairat mein

yani mahfuz hun khuda shahid
tir shashdar kaman hairat mein

ab wafa ki khapat nahin koi
band kar di dukan hairat mein

shor karti hai aankh pagal si
dekhti hai zaban hairat mein