suna suna dil ka mujhe nagar lagta hai
apne sae se bhi aaj to dar lagta hai

bant raha hai daman daman meri chahat
apna dil bhi kisi sakhi ka dar lagta hai

mahrumi ne jahan basera dhund liya hai
mujh ko to wo ghar bhi apna ghar lagta hai

meri barbaadi mein hissa hai apnon ka
mumkin hai ye baat ghalat ho par lagta hai

'josh' hun main diwane-pan ki us manzil mein
jahan raqib bhi apna nama-bar lagta hai