takht-e-taus mera takht-e-hazara tum ho
mere shahzade meri aankh ka tara tum ho

main tere ishq mein laila to kabhi hir bani
tum ho majnun ya ho farhad gawara tum ho

main ne kati hai tere pyar mein ye umr-e-rawan
jis ke khwabon mein sada waqt guzara tum ho

zist to teri amanat thi tere sath rahi
aur phir khel samajh kar jise haara tum ho

jis ki aaghosh mein mera hai safina 'wishma'
is samundar ka meri jaan kinara tum ho