talwar le rahe the himayat mein phul ki
patjhad ke morchon mein ajab hum ne bhul ki

apne lahu se sham ko sairab kar diya
din bhar ke intizar ki qimat wasul ki

bikhra hai is tarah se har ek zarra-e-wajud
surat nahin hai koi bhi apne husul ki

hamdardiyon ke tir se zakhmi na kar mazid
hum ne to khud chuni thin ye rahen babul ki

khushbu ki tarah hum hain kharabi mein dahr ki
ye shakh-e-gul pali thi fazaon mein dhul ki