tamam ret pe bikhra hai tan udasi ka
wo lahar hai ya koi pairahan udasi ka

hai ek daricha jahan se wo dekhti hai atit
so lag gaya mere kamre mein man udasi ka

mein us ki chhanw mein baithun to jism jalta hai
mere shajar pe laga hai gahan udasi ka

hamare ishq ko qudrat ne jaan bakhshi hai
tum ek sukut ho aur main hun ban udasi ka

tumhaare hijr mein ek maut aur us ke baad
hamari ruh ne pakda badan udasi ka