tere dar pe dil-e-nakaam liye baithe hain mai-kada band hai aur jam liye baithe hain ye hain diwane bhala sajdon ka mauqa denge hum kahan hasrat-e-ilzam liye baithe hain gham nahin is ka jo tufan dubo de mujh ko ahl-e-sahil mera paigham liye baithe hain tez-ro jada-e-be-nam se aage pahonche aur manzil ko subuk-gam liye baithe hain kyon 'wasi' un ke labon par hai sukut-e-paiham dil mein jo hashr ka hangam liye baithe hain