tere mizaj tere khulq teri khu mein raha ye inkisar teri zat mein lahu mein raha khamoshiyon se hain zahir matanaten jo teri tera saliqa ayan teri guftugu mein raha main khud ko kho ke tujhe pa liya zahe qismat zamana sara yahan teri justuju mein raha bahakte dil mein raha tere husn ka wo surur khumar-e-ishq meri ruh ke subu mein raha chaman mein kaliyan hain ranjida aur khaufzada malal-o-huzn bhi phulon ke rang-o-bu mein raha