teri yalghaar se duniya bhi dahal sakti hai tu badal jae to har chiz badal sakti hai ek ifrit ki shoalon ko nigal sakti hai band hai nyam mein talwar nikal sakti hai tere aamal zamane mein hain aise pyare jin se aslaf ki pagdi bhi uchhal sakti hai din-e-haq ke liye namus-e-shariat ke liye ye wo millat hai ki shoalon mein bhi chal sakti hai askari qaum hai fitrat mein jadal baqi hai is ko chhedo na ye andaz badal sakti hai apni tarikh ke auraq khangalo 'sani' ab kahan qaum khilaunon se bahal sakti hai