thakan ka bojh badan se utarte hain hum
ye sham aur kahin par guzarte hain hum

qadam zamin pe rakkhe hamein zamana hua
so aasman se khud ko utarte hain hum

hamari ruh ka hissa hamare aansu hain
inhen bhi shauq-e-aziyyat pe warte hain hum

hamari aankh se ninden udane lagta hai
jise bhi khwab samajh kar pukarte hain hum

hum apne jism ki poshak ko badalte hain
naya ab aur koi rup dhaarte hain hum