thokaren khaya hua patthar khuda hona hi tha mere gir jaane se us ka qad bada hona hi tha us shajar ke sukh jaane ka sabab tanhai thi ek parinda aa ke baitha to hara hona hi tha dam kuchh apne ziyaada lag rahe the in dinon phir hamein bazar mein sab se juda hona hi tha ab imarat dah rahi hai jism ki to khauf kyon barishon mein bhigne ka shauq tha hona hi tha sab ko hairat hai ki main tujh se bichhad kaise gaya kuchh na kuchh to is kahani mein naya hona hi tha