tifl ko sulana hai thapkiyan samajhti hain fikr sari maon ki loriyan samajhti hain aab-o-tab rakhte hain log bhi samundar bhi kaun kitna gahra hai dubkiyan samajhti hain subh subh jati hain rotiyan kamane ko bap ki jo haalat hai betiyan samajhti hain wo bhi zulm sahti hain wo bhi tut jati hain dard ek aurat ka chudiyan samajhti hain jab 'shuur' dilbar ka intizar karta hai us ki be-qarari ko khidkiyan samajhti hain