tishnagi meri bujhao to qarar aa jae
dil ke ujde hue gulshan mein bahaar aa jae

barha tu ne mujhe jhuti tasalli de di
tujh ko sine se laga lun to qarar aa jae

main azal se tere didar ka talib hun sanam
jam ulfat ka pila de ki khumar aa jae

dhundli dhundli si nazar aati hai taswir us ki
samne kash mere ab mera yar aa jae

tu ne 'ramman' ko sada dur se dekha hai sanam
rukh se tu parda hata de to bahaar aa jae