tufani-e-hayat zara dekhte chalo nakaam-o-be-sabaat zara dekhte chalo nikle ho kis taraf ki muqabil mein aarzu gham aur kaenat zara dekhte chalo khanjar-ba-kaf khada hai sar-e-rah isa-dam nairangi-e-hayat zara dekhte chalo hal-mim-mazid ke the izafe tamam shab andoh ki baraat zara dekhte chalo ye kya ki kaj-rawi hi bana shewa-e-awam bechain pul-siraat zara dekhte chalo marhum dil ke sare fasane hue tamam shak ho to mere sath zara dekhte chalo 'farhat' raqib kab ke tasalli bhi pa chuke han doston ke ghat zara dekhte chalo