tujh bin rah-e-hayat mein lutf-e-safar kahan
taskin-e-qalb-o-ruh sukun-e-jigar kahan

tufan-e-barq-o-baad mein ye jaen par kahan
ujde hue chaman ke parindon ka ghar kahan

us ki nigah-e-naz ne be-khud bana diya
khud mujh ko apne-ap ki ab hai khabar kahan

jaan se aziz-tar hai unhen gulsitan ki khak
jaen chaman ko ahl-e-chaman chhod kar kahan

bas khubi-e-nasib ne tujh se mila diya
warna kahan pe tu hai teri rahguzar kahan