tum ko ehsas ki daulat nahin milne wali mar ke bhi mujh ko mohabbat nahin milne wali kha liye waqt ki talkhi ne surile lahje ab wo pahli si halawat nahin milne wali ye nae daur ke bachche hain bade lagte hain in mein masum shararat nahin milne wali zabt karne se guzara nahin hone wala zulm sahne se sharafat nahin milne wali gar musallat hi raha hum pe ghutan ka mausam sans to hasb-e-zarurat nahin milne wali chunki ab zar ne kharidi hai syahi 'akhtar' ab kisi harf ko hurmat nahin milne wali