tuta hai bas khushi ka bharam aur kuchh nahin paya hai sirf dard-o-alam aur kuchh nahin mujh par garan ye hijr ki ab kali raat hai tanhaiyon mein ghutta hai dam aur kuchh nahin bechainiyon ke sath tahal kar tamam raat panw mein rah gae hain waram aur kuchh nahin munh modna wo dil ka jalana mere habib dhae gae hain mujh pe sitam aur kuchh nahin dhadkan udas dil pe udasi ki dhup hai lipta hai mujh se tera ye gham aur kuchh nahin 'haidar' ki dhadkanon ki sada hai ye ham-nashin dil pe hai tera nam raqam aur kuchh nahin