tutti fariyaad ki socho kabhu ai ham-nashin
us junun ke baad ki socho kabhu ai ham-nashin

lutf tum ko aa raha hai chaar din ke ishq mein
ta-abad ek yaad ki socho kabhu ai ham-nashin

aankh rone bhi na pae aur dil ho gham-zada
zabt ke miad ki socho kabhu ai ham-nashin

tum kabhi pahlu badal kar is zamin se aa lago
phir dil-e-barbaad ki socho kabhu a ham-nashin

sher sun kar wah karna lazmi tha yar par
bebasi par dad ki socho kabhu ai ham-nashin