udhar to dar par rakkha hua hai
idhar pairon mein sar rakkha hua hai

kam az kam is sarab-e-arzu ne
meri aankhon ko tar rakkha hua hai

samajhte kya ho hum ko shahr walo
bayaban mein bhi ghar rakkha hua hai

hum achchha mal to bilkul nahin hain
hamein kyun bandh kar rakkha hua hai

mere haalat ko bas yun samajh lo
parinde par shajar rakkha hua hai

jihaalat se guzara kar raha hun
kitabon mein hunar rakkha hua hai