un ke jaane se ye dil mein hui surat paida
ki hua dard aur us mein hui shiddat paida

is wafa par ye jafaen teri samjhe samjhe
ki mohabbat hi se hoti hai adawat paida

nargis-e-shokh mein tarkib-e-haya hai pinhan
nigah-e-sharm se hai rang-e-shararat paida

hum jo dil-soz na hote to ye hasrat aati
ki tere dil mein bhi ho soz-e-mohabbat paida

kucha-e-yar mein jaana hi ghazab tha 'raunaq'
ki hui zumra-e-ada mein qayamat paida