wahi zamin wahi dur aasmanon ke
dinon ki baat nahin khel hain zamanon ke

diya-salai ki tili bhi ab daraati hai
nazare yaad hain jalte hue makanon ke

hamare panw ki zanjir bante jate hain
saje-sajae hue silsile dukanon ke

zamin baal barabar nahin hamare nam
banate rahte hain naqshe nae makanon ke

udas kar gaya wo 'asad'-e-jawana-marg
ki is aziz mein kuchh taur the diwanon ke