wahin tark-e-safar kar lena langar chhod dena
utarne jab lage tufan samundar chhod dena

wo mera hona sabit gauhar-e-nayab aakhir
wo us ka sang-e-be-maya samajh kar chhod dena

koi autar to hargiz nahin hum phir bhi jal par
hamare nam ka tum ek patthar chhod dena

mere par nap aaenge makan-o-la-makan sab
khule aakash mein mujh ko ghadi bhar chhod dena

ba-sad-zauq-o-tajassus us pari-paikar ka ek raat
kisi akhbar sa wo mujh ko padh kar chhod dena