wo hairaton ki mukammal kitab likh dena sawal karne se pahle jawab likh dena shikast-o-rekht ka paiham azab likh dena wo us ka jagti aankhon mein khwab likh dena ajib tarah batana hayat ka mafhum wo ungliyon se hawa par habab likh dena hamare ghar ke charaghon ka imtihan hi sahi tum aandhiyon ke musalsal azab likh dena samundaron ki bhi wusat jo pyas se kam ho hamare khun-e-jigar ko sharab likh dena agar nahin shajar-e-saya-dar raston mein saron pe jalne hue aaftab likh dena 'qamar' ajib hai uslub-e-khamushi us ka bas ek nigah mein dil ki kitab likh dena