wo kam-shuur hai phir bhi kamal karta hai hamare lafzon mein hum se sawal karta hai karam kisi ka sanbhaale hue hai rahon mein ye kharzar wagarna nidhaal karta hai usi ke sar raha ilzam fitna-sazi ka jo amn-rut mein khalal ko bahaal karta hai wo pattharon mein bhi deta hai rizq kidon ko kamal wala hai wo har kamal karta hai muazzinon ke labon se azan sunte hi parinda hamd-o-sana dal dal karta hai 'nawab' ke koi tarz-e-sukhan pe ghaur kare har ek sher mein khud se maqal karta hai