wo yar hum se khafa hai to ho hua so hua
phir us ka qissa hi kya jaane do hua so hua

agar raqib shararat se baz nahin aata
bala se apni kuen mein pado hua so hua

har ek baat mein tum kyun ulajhte ho yaro
dekho ye muft gadhe mat chadho hua so hua

ye sara qaziya to hum se hai is se tum ko kya
tum apne ek taraf ho ro hua so hua

hum apna aap hi kar lenge infial us se
hamare bich koi mat pado hua so hua

ye sab ladane ki baaten hain tum jo karte ho
zara to khair ka kalima kaho hua so hua

hamin to yar siwa apne tain kare kaam
bura kisi ko lage to lago hua so hua

ranga hai ab to zamane ne rang
ye lal zard dikhai karo hua so hua

giran hun se teri 'nayan' pesh nahin jati
to pher ba-huda kyun bakte ho hua so hua