ya khuda mujh ko wo andaz-e-shakebai de
mere chehre ko mere zakhmon ki gahrai de

fash ho jaen meri ruh pe kaunain ke raaz
mujh ko wo aankh de aankhon ko wo binai de

aap hi apne ko sangsar kiya hai main ne
mere qatil ko na ilzam-e-masihai de

kab talak tarsunga kanton bhare pairahan ko
barhana-tan hun mujhe khilat-e-ruswai de

mere chehre pe ye lab hain ki sulagta hua zakhm
mere lafzon ko zaban ya mujhe goyai de