ye ibtida hai abhi bab-e-ikhtitam kahan lahu tarang ka qissa hua tamam kahan likhi hai khun se hum ne hikayat-e-hasti magar kitab mein hoga hamara nam kahan hamara nam na puchho na kuchh pata puchho hamari subh kahan hai hamari sham kahan hamein to kuchh bhi nahin hai khabar ki ab ke hum agar uthenge yahan se to phir qayam kahan mata-e-hosh to hum mai-kade mein kho aae chala hai le ke hamein ab surur-e-jam kahan