ye khazana dil-e-saudai kise deta main
us ki bakhshish thi ye tanhai kise deta main

is tere ahd ke rote hue logon mein se
hakim-e-waqt ye shahnai kise deta main

jis ko de deta use tu hi dikhai deta
ba'd marne ke ye binai kise deta main

dastaken de ke bhari basti ke darwazon par
wo shab-e-hijr jo laut aai kise deta main

main ki izzat ke ewaz jis ko utha laya tha
tere kuche ki wo ruswai kise deta main