ye nawazish ye inayat ye ata rahne de bas bahut ho chuka ab aur wafa rahne de meri hasti se khuda ke liye ab aur na khel ye diya bujh hi gaya hai to bujha rahne de us ne aane ko kaha hai to wo aaega zarur qasr-e-ummid ka darwaza khula rahne de ai masiha na abhi kar mere zakhmon ka ilaj aur kuchh roz chaman dil ka khula rahne de ji sakun jis ke sahaare mere dil par aisa apni yaadon ka koi naqsh bana rahne de lutne wale mera lut le sab kuchh lekin pas mere meri jagir-e-ana rahne de faisla tere muqaddar ka yahin se hoga sar isi dar pe 'nasir' apna jhuka rahne de