ye tark-e-rabt to farda pe tal rakhna tha kisi bhi haal mein rishta bahaal rakhna tha dilon ki talkhiyan sadkon pe khinch laya tu purane rabt ka kuchh to khayal rakhna tha ye us ki soch hai apni wafa kare na kare tumhein to apna kaleja nikal rakhna tha yun guftugu ka koi silsila badhane ko hamein jawab mein phir se sawal rakhna tha mere khayal ki jumbish bhi bhanpne wale tumhaara nam to hum ko ghazal rakhna tha main utha aur tere pas koi baith gaya meri ye bhul thi mujh ko rumal rakhna tha