ye zindagi ka hai ek saneha kahen kis se
hamare bich mein hai fasla kahen kis se

tamam raat to uljhan sawar thi mujh pe
tabhi main der se shayad utha kahen kis se

hamare pas mein daulat ki hai kami shayad
har ek shakhs hai hum se juda kahen kis se

ye shaeri hai miyan tum se ye nahin hoga
kisi aziz ne mujh se kaha kahen kis se

mujhe yaqin hai wo sath chhod dega ‘kash’
wo phir se todega ye dil mera kahen kis se