zamin ki god mein rakkhe hue aflak ke khitte sitare chumte hain sar-zamin-e-pak ke khitte koi tujh sa hasin duniya-e-rang-o-bu mein kya hoga ai meri jaan ke tukde ai meri khak ke khitte teri tabindagi se meri peshani chamakti hai tere khwabon se raushan hain mere idrak ke khitte tere farsh-e-mohabbat par dilon ka raqs jari hai kahan tu aur kahan baqi khas-o-khashak ke khitte ye meri fikr ke gauhar teri mitti ka tohfa hain tere qurban jaun ilm-o-istidrak ke khitte