zindagi hai ki koi sahra hai
raushni ka nagar andhera hai

chalte rahta hun jaane kis jaanib
koi manzil na kuchh basera hai

dil ki gahraiyon mein aa jao
zakhm-e-dil mera aur gahra hai

tum jo chalte hue thaharte ho
waqt bhi aaj thahra thahra hai

gham ki tahrir tum ko kya malum
kaghaz-e-dil tumhaara kora hai

pyar hai mujh ko us sitamgar se
jis ka andaz pyara pyara hai

meri duniya sanwar gai hai 'muin'
un ki zulfon ko jo sanwara hai