bhaari buton-tale raundte jaiye konpalon ke badan aahaton ke diye bhaari buton-tale raundte jaiye resman bandh kar khwab hanste rahe habs ki tal par sans chalte rahe chahiye aap ko aur kya chahiye bhaari buton-tale raundte jaiye sham lau ko liye raat sahne gai dard ki odhni khak pahne gai dhanpiye shauq se har kiran dhanpiye bhaari buton-tale raundte jaiye bhuk maslub jismon ko karne lagi zakhm bahne lage aas marne lagi aap ko kya gharaz hum mare ya jiye bhaari buton-tale raundte jaiye sirf khane badalne se kya faeda chand name badalne se kya faeda hum pyaada-safar the payaade rahe bhaari buton-tale raundte jaiye