subh se sham tak lakdiyan chirna us ka barson ka mamul hai us ka jism lakdi ke burade mein dafn hone laga hai use roti bhi burade ki bani hui lagti hai us ke hath biwi ko sukhe darakht ki tarah mahsus karte hain lakdiyon ke darmiyan rahte rahte wo khud ko bhi lakdi ka aadmi samajhne laga hai waqt guzarne ke sath sath us ka ye khayal mazbut hota jata hai aur ek din aara machine bhi is se muttafiq ho jati hai